மழைக்கால ரெசிபிகள் – சேனைக்கிழங்கு சிப்ஸ்
சேனைக்கிழங்கில் வறுவல், காரக் குழம்பு செய்து உண்டிருப்போம். சற்றே மாறுபட்டு சிப்ஸ் செய்து உண்டுபார்க்கலாம். மழைக்காலத்தில் கொறிக்க நன்றாகவே இருக்கும்!
தேவையானவை:
சேனைக்கிழங்கு – கால் கிலோ
உப்பு – தேவைக்கேற்ப
மிளகாய்தூள் – ஒன்றரை டீஸ்பூன்
எண்ணெய் – ஒன்றரை கப்
கறிவேப்பிலை – 2 கொத்து
எப்படி செய்வது?
சேனைக்கிழங்கின் தோலை நீக்கி சிறு சதுர, மெல்லிய வில்லைகளாக நறுக்கவும். பின்னர் தண்ணீரில் நன்கு அலசி நீரை வடிய விடவும். வாணலியில் எண்ணெய் விட்டு சூடானதும் நறுக்கிய வில்லைகளை மொறுமொறுவென பொரித்து எடுக்கவும். சிப்ஸ் சிறிது ஆறியதும் உப்பு, மிளகாய்தூள் சேர்த்து பிசறவும். கறிவேப்பிலையை எண்ணெயில் பொரித்து அதன் மேல் தூவி பரிமாறவும்.
