புதினா வளர்ப்பது எப்படி?

வீட்டில் வளர்க்கும் செடிகள்

மணமும் குணமும் மிக்க ஒரு கீரை புதினா! நகரங்களிலும் கிராமங்களிலும் புதினாவை எளிதாக வளர்க்கலாம்.

என்னென்ன தேவை?

தொட்டிகளில் வளர்க்க: மண் தொட்டி (அ) சிமெண்ட் தொட்டி, இயற்கை உரமும் மண்ணும் கலந்த கலவை, இலைகள் கிள்ளிய புதினா கீரையின் காம்பு (முற்றிய கீரைகளின் தண்டுகள்தான் முளைப்பு திறன் உள்ளவை.

நிலத்தில் வைக்கும் முன் நிலத்தை கொத்தி சீர் செய்ய வேண்டும். பிறகு இயற்கை உரத்தை தூவி விடுங்கள்.

நடவை முறை: சீர் செய்த மண்ணில் புதினா காம்புகளை 2 அங்குலத்திற்கு நட்டுவிட்டு முளைப்பதற்கு ஏதுவாக நீர் தெளித்து விடுங்கள்.

அறுவடை காலம் எப்போது? சரியான நிழலும் சூரிய ஒளியும் தண்ணீரும் கிடைக்கும் பட்சத்தில் மூன்று வார காலத்தில் புதினாவை அறுவடை செய்ய முடியும்.

பராமரிப்பு: பராமரிப்பு என்று பெரிதாக நீங்கள் மெனக்கெட தேவையில்லை. காலை, மாலையில் நீர் ஊற்றி வந்தால் போதுமானது.

எவ்வளவு அறுவடை செய்யலாம்? 4 தொட்டிகளில் வைத்தால் 2 வாரத்துக்கு ஒரு முறை, 2 கட்டு கீரைகளை அறுவடை செய்யலாம். நிலத்தில் நட்டால் அறுவடை இன்னும் கூடுதல் ஆகும்.